Dy deputetet nga radhët e Partisë Demokratike të Kosovës, Ganimete Musliu dhe Ariana Musliu-Shoshi, e kanë hequr shiritin kufizues të vendosur në hapësirat ku qëndrojnë kameramanët në sallën e Kuvendit të Kosovës.
Për këtë veprim të Kuvendit, të enjten ka reaguar edhe Asociacioni i Pavarur i Gazetarëve.
Të enjten Kuvendi është arsyetuar se ka vendosur shiritin për shkaqe sigurie. Na ballkonin e Kuvendit, nga ku mundësohet pamja e plotë e sallës së seancave, janë vendosur rregullisht ekipet e gazetarëve që kanë përcjellë seancat. Ajo është hapësira e vetme nga e cila gazetarët mund t’i përcjellin punimet e Kuvendit.
Shtyrja prapa e ekipeve, kufizon pamjen e plotë të sallës së seancave. Për veprimin e njëjtë gjatë ditës së djeshme, gazetarët bojkotuan seancën.
