Në seancën e së mërkurës në rastin Thaçi dhe të tjerët është duke u dëgjuar dëshmitari i 29-të.
Dëshmitari që po dëshmon me masa mbrojtëse ka refuzuar të dëshmojë kundër ish-krerëve të UÇK-së, me kërkesë të avokatit të viktimave në Gjykatën Speciale.
Sipas avokatit, ai është ndjerë i stresuar dhe s’është gati të japë dëshmi.
Tutje, kur është marrë në pyetje nga prokurorja e rastit lidhur me një deklaratë të dëshmitarit për vitin 2004, ky i fundit e ka dëshmuar një gjë të tillë.
Ai tutje ka thënë se iu është falsifikuar nënshkrimi.
Biseda:
Prokurorja: Shikojmë faqen ku është data 2004. A ju kujtohet të keni dhënë një deklarata në vitin 2004?
Dëshmitari: Është e pavërtetë.
Prokurorja: Po thoni që nuk keni dhënë deklaratë në vitin 2004, dëshmitar?
Prokurorja: Nëse do të shihni versionin anglisht, a shihni emrin tuaj të shkruar në atë faqe?
Dëshmitari: Paska shkarravit dikush këtë shkrim, nuk e di kush e ka dhanë. Por, kjo nuk është e vërtetë.
Prokurorja: A po thoni që kjo nuk është nënshkrimi juaj?
Avokati: A mund t’i drejtohem trupit gjykues shkurtimisht?
Gjykatësi Smith: Po.
Avokati (i viktimave): Nëse më lejoni, mund të them që sot në mëngjes jam konsultuar me klientin tim dhe personi që keni përpara është shumë i stresuar dhe nuk është i gatshëm të japë dëshmi, është gati të shkojë në burg. Nëse shtyhet seanca, do të ndryshohet mendja e tij.
Gjykatësi Smith: Sa kohë ju duhet për këtë?
Avokati: 30 minuta.
Gjykatësi Smith: Nëse s’keni kundërshtime, do të bëjmë një pushim prej 30 minutash. /