Dukagjini është përforcuar me futbollistin nigerian, Pascal Chidi Bolu. Për afrimin ka njoftuar vetë klubi nga Klina.
“Pascal Chidi Bolu është transferi me i ri i klubit tonë. Me Chidi Bolu kemi arritur marrëveshje ku ai do të mbrojë ngjyrat tona deri në fund të kësaj sezone. Ai luan në pozitën e sulmuesit të qendrës ku së fundi ishte pjesë e klubit Arsenal Tivat në Mal të Zi”, ka shkruar Dukagjini. “Njëzet e tre vjeçari do të jetë një forcë shtesë në repartin ofanziv dhe një alternativë më shumë për kryetrajnerin Dallku”.
Në tabelën e Superligës së Kosovës të kryesuar nga Ballkani, Dukagjini gjendet në vendin e gjashtë.