Me 12 shtator, portali rajoni.org ka raportuar për një tender në NPB ku kjo ndërmarrje e udhehequr nga PDK ka shpallur fitues të tenderit një kompani e cila nuk i ka plotësuar kriteret. Bëhet fjale për kompaninë “Liria Shpk” e cila nuk i ka përmbushur kërkesat e përcaktuara në dosjen e tenderit, përkatësisht pozicionin 1 “Interfon addressable” dhe pozicionin 2 “Acces Control”.
Lidhur me procedurën në fjalë, për rajonin janë deklaruar edhe prokuroria.
Ata kanë thënë së datë 11.06.2025, prokurori i shtetit ka lëshuar autorizim për Policinë e Kosovës për mbledhjen dhe grumbullimin e informacioneve në lidhje me çështjen në fjalë.
“Lidhur me pyetjen tuaj, ju njoftojmë se më datë 11.06.2025, prokurori i shtetit ka lëshuar autorizim për Policinë e Kosovës për mbledhjen dhe grumbullimin e informacioneve në lidhje me çështjen në fjalë. Aktualisht, jemi në pritje të raportit zyrtar mbi veprimet e ndërmarra nga ana e hetuesve të Policisë së Kosovës”, thuhet në përgjigjjen e dhënë për rajoni.org nga prokuroria themelore Prishtinë.
Portali rajoni.org i ka dërguar pyetje edhe vet zyrtarit në fjalë, Fatmir Krasniqit, mirëpo i njëjti deri në publikimin e artikullit nuk është përgjigjjur.
Rajoni.org i ka dërguar edhe OSHP’së pyetje edhe NPB: të njëtit deri tani nuk kanë kthyer përgjigjje.
