Inciativa “Demokratët për Drenasin”, ka reaguar pasi që së fundmi një asamblist i kësaj partie, Hamit Haxhiu, ka kaluar si i ‘pavarur’, shkruan portali rajoni.org.
DD përmes një njoftimi për media ka bërë të ditur se para disa minutave ata janë njoftuar, me “largimin” nga partia të asambleistit në fjale i cili sipas tyre ka hyre në pazare të cilat do të dalin së shpejti në pah.
Reagimi i plotë:
TRADHTARI KA EMËR…!
Të nderuar qytetarë,
para disa minutave u njoftuam, me “largimin” nga partia të asambleistit, i cili në logon e partisë sonë fitoj ulëse në asamble.
Hamit Haxhiu, tradhëtoj besimin e qytetarëve, besimin e Kryetarit Ajazi, besimin e subjektit tonë politik.
Hamit Haxhiu, tradhëtoj planprogramin për të miren e Drenasit.
Hamit Haxhiu, nga një profesor u shëndërrua në një tradhëtar.
Hamit Haxhiu, sot zgjodhi të jetë në krahun e gabuar.
Në krahun e shkatërrimit të Drenasit.
Në krahun e tradhtarëve.
Po të ishte vërtet veprimi i tij për interes të qytetarëve, ai do të kishe dorëzuar mandatin e fituar me Demokratët e Drenasit, e jo të tradhëtoj besimin qytetarë, kinse i “pavarur”, por që ditët në vijim do të na tregojnë që do të jetë tërësishtë i varur me pushtetin.
Pazari që e shtyri profesorin, të shëndërrohet në TRADHTAR.
Pazaret e tij do të dalin në sipërfaqe qysh në seancën e ardhëshme me votimin pro për pronat, për “dostat” e Kryetarit!
Nëse këtij “profesori” i ka mbetur pak dinjitet duhet të jap dorëheqje dhe të dorëzojë mandatin e fituar në logon e partisë sonë.
Mesazh nga këtu, për asambleistin e shitur dhe Kryetarin në ikje:
ME VOTË QYTETARE, NË ZGJEDHJET E ARDHËSHME, DO TË JU PENSIONOJMË.