Një vdekje e rëndë ka ndodhur dje në Malishevë ku një grua 35 vjeçare ka ndërruar jetë pasi që është paraqitur për ta hequr një dhëmb në një klinikë privat në Malishevë.
Asaj i ishte komplikuar gjendja shëndetësore për çka ishte dërguar në QKUK, ku kishte ndërruar jetë.
Sipas faqes së fshatit, bëhet fjalë për qytetaren Leonora Shala nga fshati Ngucat i Malishevës e cila jetonte në Itali dhe në Kosovë kishte ardhur për pushime me familje. Ajo ka lënë pas katër fëmijë të mitur, një djalë dhe tri vajza.
Sipas raportit policor për këtë rast janë arrestuar dy mjek, një grua dhe një burrë. Dy të arrestuarit janë motër dhe vëlla.
Të dyshuarit me vendim të prokurorit janë dërguar në mbajtje.
