U prezantua si një projekt i madh që do ta ndryshonte pamjen e qytetit, por ura e re në bulevardin “Ilaz Kodra” në Skenderaj ka filluar të ndryshket, pa kaluar as dy muaj nga përfundimi i punimeve.
Në baze të pamjeve të siguruara nga rajoni.org, ngritën dyshime serioze për cilësinë e punëve dhe mungesën e kritereve në realizimin e këtij projekti, për të cilin përgjegjësi bie mbi Komunën e Skenderajt.
Sipas burimeve të rajoni.org, në këmbim të këtij projekti, investitori “Ismet Comerc” ka përfituar mbi 7 mijë metra katrorë mbindërtim, ndërsa realizimi i urës ka kushtuar rreth 240 mijë euro.
