Kandidati për Asamble Komunale të Skenderajt nga Lëvizja Vetëvendosje, me numër 30 në listë, Ilir Seferi, ka pritur në vizitë udhëheqësin e GIZ-it në Kosovë, Mario Eckardt.
Ata së bashku kanë vizituar kullën e Ahmet Delisë.
Seferi ka thënë se pati kënaqësi t’i shpalosë mysafirit rrënjët e tij dhe të tregojë për aleancën shqiptaro-gjermane, e cila ka marrë formë të veçantë përmes projekteve të përbashkëta në Kosovë.
Ai rikujtoi se bashkëpunimi me GIZ-in ka nisur para tre vitesh me Tobias Seiberlich, ndërsa është vazhduar me Eckardt, në zbatimin e sistemit dual në Kosovë.
“GIZ ka dëshmuar se është një partner i besueshëm për avancimin e strukturave shtetërore dhe për lidhjen e arsimit me ndërmarrësinë në vendin tonë. Mario, në rolin tënd si udhëheqës i GIZ, po i jep një vlerë të jashtëzakonshme këtij procesi të rëndësishëm”, ka thënë Seferi.
Sipas tij, GIZ vazhdimisht ka mbështetur Kosovën, ndërsa fokus i së ardhmes do të jetë Skenderaj.
Postimi:
