Komandanti i Forcës së Sigurisë së Kosovës, Gjenerallejtënant Bashkim Jashari ka pritur në takim Komandantin e Komandës Italiane për Operacione të Përbashkëta, Gjeneral Giovanni Maria Iannucci.
Gjatë takimit të përbashkët, Komandanti i FSK-së i uroi mirëseardhje Gjeneral Iannucci dhe e njoftoi për zhvillimet dhe të arriturat e fundit të Forcës së Sigurisë së Kosovës, duke theksuar fushat e bashkëpunimit bilateral dhe aktivitetet e përbashkëta.
Pastaj gjatë takimit u bisedua për pjesëmarrjen e FSK-së në trajnime bilaterale në Republikën e Italisë.
Gjithashtu gjatë takimit u diskutua edhe mbështetja që ushtria italiane i ka dhënë Forcës së Sigurisë Kosovës gjatë procesit të zhvillimit te saj, me theks të veçantë mbështetja me trajnime në fusha të ndryshme profesionale dhe ushtarake.
Në fund të takimit Gjeneralët u zotuan në vazhdimin dhe zgjerimin e bashkëpunimit në fusha të ndryshme me interes të përbashkët.
