Fshati Dobroshec është tronditur sot nga një ngjarje e papranueshme: një vjedhje ka ndodhur brenda objektit të xhamisë së fshatit, duke shkaktuar indinjatë tek besimtarët dhe komuniteti lokal.
Zyrtari i BIK-ut në Drenas, Bislim Ademi, ka reaguar duke e cilësuar aktin si cenim të pronës së institucionit fetar dhe goditje të rëndë ndaj ndjenjave të besimtarëve.
Sipas tij, xhamia ka qenë gjithmonë vend i qetësisë, lutjes dhe unitetit, prandaj çdo vandalizëm apo vjedhje në këtë hapësirë të shenjtë përjetohet me dhembje të veçantë.
Ademi ka kërkuar nga organet përgjegjëse që të ndërmarrin veprimet e nevojshme për zbardhjen e rastit dhe sjelljen para drejtësisë të personit përgjegjës. Ai po ashtu u ka bërë thirrje institucioneve dhe komunitetit që të rrisin kujdesin dhe mbikëqyrjen për të parandaluar përsëritjen e rasteve të tilla.
