Kandidati për kryeministër, Bedri Hamza ka përkujtuar në 26-vjetorin e rënies, Fehmi dhe Xhevë Lladrovcin.
Hamza gjatë ditës së sotme, bëri homazhe të varrezat e tyre.
“‘A do të vdisnit për Kosovën?’ – ishte pyetja e një gazetari anglez për Fehmi Lladrovcin, në vitin 1998. ‘Gjithqysh. Edhe me dëshirën më të madhe. Ai do të ishte fati më i madh i im i jetës!’ – ishte përgjigjja e tij, e cila mbi të gjitha e dëshmonte vendosmërinë e UÇK-së për luftën që po përhapej gjithandej Kosovës”, ka shkruar Hamza në një përshkrim për Fehmiun në Facebook.