Inteligjenca artificiale (AI) është një fushë që po zhvillohet vazhdimisht si rezultat i përparimeve të reja teknologjike. Avancimi i shpejtë e ka bërë të pashmangshme përfshirjen e kësaj intelegjence në botën e shkrimit duke shkuar thellë për të prekur kufinjtë e shkencës dhe për të kaluar në episodin dy të krijimit të një mjeti gdhendës që do te avancoj ‘të shkruarit’.
Autore: Elsa Gecaj
Ne kishim tashmë akses në mjete si Grammarly, që mund të sugjeronin korrigjime, rishkrime dhe zgjedhje fjalësh. Google Docs që mund të përfundojë automatikisht fjalitë. Por të shkruarit me AI po bëhet më I avancuar përmes krijimi të automatizuar të përmbajtjes që përfshin përdorimin e algoritmeve për të prodhuar përmbajtje që i përshtatet kërkesave specifike. Kjo do të thotë që AI mund të shkruajë artikuj, postime në blog madje edhe lajme pa ndërhyrjen e njerëzve.
Intelegjenca artificiale ka ndërtuar paltforma të tipit të till për të analizuar modelet e të shkruarit dhe për të theksuar fushat se ku ka hapsirë përmirësimit. ProWritingAid janë ndërtuar për t’u ofruar redaktorëve dhe shkrimtarëve njohuri në kohë reale, të tilla si identifikimi i fjalëve dhe frazave të përsëritura ose strukturimi i fjalive të gjata dhe të ngathëta. Po ashtu ajo ofron të skanojë miliona burime në internet në sekonda dhe të sigurojë rezultate të sakta dhe relevante, gjë që u kursen shkrimtarëve kohë dhe burime që mund të përdorin për të përmirësuar cilësinë e përmbajtjes së tyre.
Për më tepër, kjo intelegjencë ofron aftësitë për të gjeneruar përmbajtje të shkruar që është pa gabime dhe me cilësi të lartë. Ndryshe nga shkrimtarët, të cilët janë subjekt i lodhjes, shpërqendrimit dhe të tjerave gjatë punës së tyre, AI do të jetë në gjendje të prodhojë me shumë pak gabime. Kjo do të bëjë atë një alternativë për bizneset që kanë nevojë për përmbajtje të shkruar, por nuk kanë kohë ose burime për ta prodhuar atë vetë.
Teksa AI ka sjellë shumë përfitime në botën e shkrimit, ka disa shqetësime se si mund të ndikojë në krijimtarinë, individualitetin dhe mënyrat e të shkruarit. Sidoqoftë, përdorimi i mjeteve të AI nuk ka për qëllim të zëvendësojë proceset krijuese, por t’i përmirësojë ato. Shkrimtarët mund të ruajnë ende origjinalitetin e tyre, të krijojnë historitë e tyre dhe të krijojnë stilet e tyre të të shkruarit.
Si përfundim, AI është vendosur të sjellë një revolucion në shkrim duke e bërë atë më të avancuar. Kjo teknologji do t’i ndihmojë shkrimtarët të prodhojnë përmbajtje me cilësi, një stil shkrimi më efikas, të rafinuar dhe autentik. Aplikimi i AI në shkrim premton gjithashtu përvoja më të personalizuara për lexuesit, dhe më e rëndësishmja, ndihmon për të siguruar që kapacitetet e shkrimit të njerëzve të ndihmohen dhe zgjerohen – në vend që të zëvendësohen. E ardhmja parashihet të ketë shkrime më të avancuar dhe AI do të jetë arsyeja që ky evoluim do të ndodhë./Elsa Gecaj/