Tashmë janë mësuar katër skuadrat gjysmëfinaliste të Kupës së Kosovës.
E kush me kë do të përballet, FFK-ja ka bërë të ditur se shorti do të hidhet këtë të premte nga ora 13:00, në selinë e Federatës së Futbollit të Kosovës.
Pjesëmarrjen në këtë fazë të garave e kanë siguruar Prishtina, Ballkani, Drita dhe Suhareka. Në këtë fazë do të luhet me sistem vajtje-ardhje.
Prishtina në çerekfinale eliminoi Trepçën’89, Ballkani triumfoi ndaj Malishevës, Drita ndaj Dukagjinit, si dhe Suhareka eliminoi Vjosën.