Pasi ish-bashkëshorti i artistes së njohur, Jennifer Lopez, aktori Ben Affleck, performancën e saj në filmin “Unstoppable” e ka quajtur “spektakolare”, ajo ka reaguar duke ia rikthyer nderin.
“Të gjithë kastin që mori pjesë në këtë film do t’i përshkruaja si spektakolarë dhe të mrekullueshëm”, ka thënë Lopez në një intervistë që po qarkullon nëpër rrjete sociale. Këto fjalë ajo i tha në premierën e filmit në Britani, shkruan E News.
Affleck, ditë më parë në një intervistë e ka vlerësuar lartë punën e të gjithë artistëve që ka bashkëpunuar për realizimin e këtij filmi.
“’Unstoppable’ është film me të vërtetë ndryshe nga të tjerët, por në njëfarë mënyrë, rrënjët i ka të njëjta me filmat ku marrin pjesë artistë vërtetë të talentuar”, ka thënë Ben në një intervistë për Entertainment Tonight, duke shtuar se performanca e ish-bashkëshortes së tij ishte “spektakolare”.
“Jennifer ishte spektakolare”, tha ai, ndërkohë që komplimentoi stafin, përfshirë, regjisorin William Goldenberg, dhe kolegët e tjerë Don Cheadle, Jharrel Jerome dhe Bobby Cannavale duke cekur se ekipi krijues i filmit ka besuar “në njerëzit e duhur”.
Ani pse kanë dallime në mes vete, çifti që u martua në vitin 2022 dhe u divorcua në muajin gusht të këtij vitit, janë të përkushtuar ndaj punës që kanë bërë bashkë.
“Kur ishin në punë, krejt çka bënin ishte se koncentroheshin në film, gjërat personale i lanë anash. E mbajtëm marrëdhënien në punë duke i bërë ata të koncentrohen në film”, ka thënë regjisori i filmit Goldenberg.