Me rastin e nisjes së haxhit, Këshilli i Bashkësisë Islame në Skenderaj ka përcjellë një mesazh urimi dhe bekimi për të gjithë besimtarët që janë nisur për të kryer obligimin e shenjtë të Haxhit.
Në njoftimin zyrtar, KBI Skenderaj e ka cilësuar këtë udhëtim si “udhëtimin më të madh të jetës”.
Këshilli ka kërkuar nga haxhinjtë që të mos harrojnë të luten për vendin e tyre, për familjet, fqinjët, Skenderajn dhe të gjithë shqiptarët, si dhe për dëshmorët, të sëmurët dhe të vdekurit.
“Lutuni për bekime, për unitet, për ruajtje nga çdo armik i jashtëm dhe i brendshëm. Sepse lutjet tuaja do të pranohen me lejen e Zotit”, përfundon mesazhi i Këshillit.
