Albulena Haxhiu ka folur para gazetarëve për vendimin e Gjykatës Kushtetuese.
Ajo ka thënë se ka ende kohë për konstituimin e Kuvendit, para afatit të caktuar.
“Edhe përkundër faktit që kishin dërguar lëndë, nuk kishin kërkuar masë, duke pasur parasysh aktgjykimin e fundit, Gjykata ka thënë se seanca duhet të ndodh, Kuvendi duhet të konstituohet brenda afatit 30-ditor, ose jo më larg se 30 ditë. Është e natyrshme, normale, që në këto rrethana, kur nesër kemi ditën e fundit, Gjykata të marrë masë të përkohshme sipas detyrës zyrtare. Nuk do të thotë që nuk ka seancë më vonë, nuk ka seancë nesër deri në orën 24:00, kemi edhe pak kohë, pasi më pas hyn në fuqi Gjykata Kushtetuese”, tha ajo.
