Sipas të dhënave të Institutit GAP, gjatë vitit 2025, Kosova ka importuar mallra në vlerë prej rreth 7 miliardë euro.
Në mesin e vendeve nga të cilat Kosova importon më së shumti janë edhe Italia, Maqedonia e Veriut dhe Shqipëria, ndërsa në listë përfshihen edhe Greqia, Polonia, Serbia dhe India.
Gjermania mbetet partneri kryesor i importit me mbi 1 miliard euro, e ndjekur nga Turqia me 929 milionë euro dhe Kina me 920 milionë euro.
E për këtë të fundit, kryetari i Aleancës së Biznesve në Kosovë, Agim Shahini ka thënë se Kina është një fuqitë botërore.
Nga Kina, Kosova importon rreth 1 miliardë euro
Ndërkohë, ekonomisti Jakup Bellaqa tha se kjo shifër prej 7 miliardë euro tregon se Kosova, është më shumë e orientuar në vendet e Bashkimit Evropian të cilat kanë ekonomi të zhvilluar.
Këto të dhënat tregojnë varësinë e vazhdueshme të ekonomisë së Kosovës nga importet dhe rëndësinë e partnerëve tregtarë ndërkombëtarë.
