Kompania “lidere” për fitmin e tenderëve në Komunën e Klinës si duket është “Mirusha Company”, shkruan portali rajoni.org.
Lexo Edhe: Kompania e familjes së Sylejman Selimit shpërblehet me tender afër 2 milion euro
Kjo kompani kësaj rradhe është shpërblyer me tenderin në vlerë 844 mijë e 200 euro pë ndërtimin e segmenteve të rrugës Male Bashota, Dositej Obradoviq, Bekim Fehmiu, Shaban Sadiku, Herojt e Kombit dhe infrastruktura nëntokesore në Kline- Dresnik-Dollo.
Vendimi për dhëniën e tenderit në vlerë prej 844 mijë eurosh për “Mirusha Company” është lëshuar me 29 gusht 2025 dhe mbartë nënshkrimin e zyrtarit përgjegjës të prokurimit, Labinot Morina.
“Kemi kenaqësinë të ju njoftojmë se ju keni dorëzuar tenderin me çmimin më të ulët si përgjigje ndaj njoftimit te kontratës per aktivitetin e prokurimit te lartcekur. Ju, ju eshtë dhënë kontrata me çmimin e saktësuar ne tenderin tuaj dhe në pajtim me afatet dhe kushtet e dosjes së tenderit për vlerën 844,200.92€. Dhënia e kontratës është e përkohshme dhe nuk përbën një marrëveshje kontraktuale deri në skadimit te intervalit, gjatë të cilit ofertuesit e pasuksesshëm mund të kërkojnë shayrtimin e vendimit”, thuhet në letrën standarde të dërguar kompanisë “Mirusha” nga Komuna e Klinës.
