Sot kanë filluar zyrtarisht procedurat për ndërtimin e çerdhës për fëmijë në fshatin Kçiq i Madh, një projekt i shumëpritur nga banorët e kësaj zone, shkruan rajoni.org.
Çerdhja e re pritet të përmirësojë ndjeshëm kushtet për edukimin dhe përkujdesjen e hershme të fëmijëve në këtë fshat, duke ofruar një ambient të sigurt, bashkëkohor dhe të përshtatshëm për zhvillimin e tyre.
Sipas autoriteteve komunale, vlera e projektit kap shumën prej rreth 400 mijë eurosh. Kjo investim konsiderohet si një hap i rëndësishëm drejt përmirësimit të infrastrukturës arsimore dhe sociale në zonat rurale të Mitrovicës.
Pritet që punimet të nisin së shpejti, pas përfundimit të fazave administrative dhe të prokurimit.
