Kryetari i Kuvendit të Kosovës, Glauk Konjufca, së bashku me kandidatin e Lëvizjes Vetëvendosje për kryetar të Komunës së Skënderajt, Hysni Mehani, kanë zhvilluar një takim me familjen Rrustemi.
Gjatë vizitës, ata bashkëbiseduan me anëtarët e familjes për sfidat me të cilat përballen qytetarët e Skënderajt, si dhe për nevojën për ndryshim që, sipas tyre, i duhet komunës.
Konjufca dhe Mehani u zotuan se përmes angazhimit të tyre politik do të sjellin një qeverisje më të drejtë dhe më afër qytetarëve, duke theksuar rëndësinë e përfshirjes së të gjithëve në vendimmarrje.
