“The Voice Rap” është spektakli i parë i dedikuar ekskluzivisht zhanrit të repit dhe po zhvillohet në Gjermani.
Për sezonin e parë, “The Voice of Germany” vendosi të sillte Kool Savas dhe Dardan si trajnerë. Duke filluar nga java e shkuar – çdo të enjte gjatë javëve në vijim – të dy artistët do të konkurrojnë për talentet e rinj përkatës.
E në natën e parë në skenë u ngjit një shqiptare e quajtur Erda Havolli. Vetëm 19 vjeç, ajo performoi para gjermanëve këngën “Heart Attack” të Loredanës dhe Noizyt. Erda ka mundur të bindë dy juristët e njohur të cilët u kthyen në të njëjtën kohë.
Në fund ajo zgjodhi Dardanin, që poashtu është shqiptar.