Kryeministri i Kosovës, Albin Kurti ishte ofenduar rëndë nga nënkryetari i komunës së Skënderajt, Sami Lushtaku. Ai në një program televiziv ia kishte mveshur prapashtesën serbe mbiemrit të tij, duke thënë se më parë rri me një shka se me të.
Përkundër që Skënderaj ishte në një situatë mjaft të rëndë që nga paslufta, krerët e institucioneve qendrore duhej të ishin të pranishëm patjetër që në ditën kritike e jo më vonë.
Por, si të vinte Kurti për të ndejtur me një person, i cili kishte thënë se më parë rri me një shka se me të?!
Edhe pse jo e hijshme, prapë më mirë do të ishte që kryeministri të mos takohej fare me krerët e komunës, por që të mos vonohej në vizita te familjet e prekura, sepse gjendja ishte apokaliptike.