Ka ndërruar jetë veterani i Luftës së Ushtrisë Çlirimtare të Kosovës, Hamdi Morina nga fshati Doborshefc i Komunës së Drenasit, shkruan portali rajoni.org.
I ndjeri ka dhënë kontribut për lirinë e vendit tonë, si pjestar i Ushtrisë Çlirimtare të Kosovës.
Lajmin për vdekjen e Hamdisë e ka dhënë përmes rrjetit social, kryetari i OVL UÇK në Drenas, Enver Hajdari.
Postimi i plotë:
Me dhembje të thellë njoftojmë ndarjen nga jeta të bashkëluftëtarit dhe veteranit të Ushtrisë Çlirimtare të Kosovës, Hamdi Morina.
Hamdiu ishte komandant skuadre në Brigadën 114 “Fehmi Lladrovci”, një luftëtar i palëkundur që me guxim dhe përkushtim i shërbeu atdheut në ditët më të vështira. Pas luftës, ai vazhdoi të mbetej besnik ndaj vlerave të UÇK-së, duke qenë gjithmonë një shembull i nderit dhe sakrificës.
Lavdi jetës dhe veprës së Hamdi Morinës!
Lavdi Ushtrisë Çlirimtare të Kosovës!
Organizatat e Dala nga Lufta e UÇK-së – Dega në Drenas
