Drejtori i Infrastrukturës në Komunën e Prishtinës, Sokol Havolli, ka publikuar pamje nga punimet në lidhjen e kolektorit të rrugës B me atë të rrugës A.
Në një video nga vendi i punimeve, ai shtoi se zona po pajiset me të gjitha elementet kryesore të infrastrukturës që do të garantojnë jo vetëm mbrojtjen e banorëve nga kundërmimi, por edhe një kapacitet të lartë për përballimin e reshjeve atmosferike.
“Një zonë që tashmë është duke i marrë të gjitha elementet kryesore të infrastrukturës që do ti mbrojë banorët edhe nga kundërmimi, por gjithashtu do të ketë kapacitet të jashtëzakonshëm edhe për kalimin e të reshurave atmosferike që do e bëjë një zonë jashtëzakonisht të mbrojtur”, tha ai.
