Padyshimin më të vogël është një nga “bomberët” më të mirë të momentit. “Ylli” meksikan i “gjigantëve” holandezë, të Feyenoord, Santiago Gimenez ka mahnitur të gjithë Evropën, me performancat e tij fantastike, deri në këtë pikë të sezoni, ku në të gjitha kompeticioniet ka arritur të shënojë plot 26 gola, si dhe të dhurojë 8 asistime, në vetëm 41 ndeshje.
Për 22-vjeçarin latin, ky është sezoni i dytë, te “tulipanët” e Feyenoord, teksa në sezonin 2022-2023, falë 28 golave të shënuara e 3 asistimeve rivendosi pas plot 6 vitesh mungesë, skuadrën e tij, në “majën” e futbollit holandez, duke arritur të shpallë kampionë të Eredivisie, ku kundërshtarët nuk ishin aspak të lehtë, duke parë skuadra si PSV apo Ajax.
Këto arritje nuk kanë shpëtuar pa u vënë re edhe nga “gjigantët” e futbollit anglez, ku plot katër skuadra, të Londrës janë “çmendur” pas sulmuesit meksikan. Arsenal, West Ham, Fulham e Chelsea kërkojnë shërbimet e Gimenez, mirëpo me “Blutë e Londrës”, që kërkojnë gjithashtu edhe të sigurojnë shërbimet e suedezit, Alexander Isak.
Në krahun tjetër, tekniku, Mikel Arteta e kërkon me ngulm, meksikanin te “Topçinjtë”, duke parë edhe konkurrencën sezonin e ardhshëm, në Premier League e UEFA Champions League, me skuadrën e Arsenal, që është mes pretendentëve. Pas “Topçinjve” vijnë “Çekanët” e West Ham, ndërsa në fund të listës mbetet skuadra e Fulham, të cilët zor me mund të nënshkruajnë, me një sulmues të këtij niveli.