Rezultatet preliminare nga Komisioni Qendror i Zgjedhjeve për Komunën e Skenderajt tregojnë një zhvillim politik të pazakontë, ku Lëvizja Vetëvendosje ka shënuar rritje të konsiderueshme në bastionin tradicional të PDK-së.
Sipas përditësimit të fundit deri në orën 20:49, janë numëruar 9,344 vota, apo 17.64% e votave në këtë komunë, ndërsa janë procesuar 33 nga 72 vendvotime (45.83%).
Rezultati aktual në Skenderaj
PDK – 77.91% (6,980 vota)
LVV – 16.05% (1,438 vota)
LDK – 2.23% (200 vota)
Nisma – 0.86% (77 vota)
Iniciativa Qytetare për Kosovë – 0.77% (69 vota)
AAK – 0.76% (68 vota)
Megjithëse PDK vazhdon të dominojë fuqishëm në këtë komunë, rezultati i LVV-së konsiderohet befasues, duke marrë parasysh historinë politike të Skenderajt si bastion i padiskutueshëm i Partisë Demokratike të Kosovës./Gazeta Infokus
