Drejtori i Përgjithshëm i Interit, Giuseppse Marotta, foli për “Radio Anch’io lo Sport” pas fitores së zikaltërve në Empoli, e cila i lejoi skuadrës së Inzaghit të grumbullonte pikë të plota pas 5 ndeshjeve të para të sezonit.
A do të mundet Interi të fitojë Scudetton dhe të shkojë të paktën në çerekfinalet e Champions League?
“Jeta përbëhet nga ëndrrat dhe realiteti. Realiteti thotë se ne jemi në kërkim të yllit të dytë. Në të njëjtën kohë ne duhet t’i shikojmë me optimizëm kompeticionet europiane dhe vitn e kaluar pothuajse e fituam trofeun. Kemi gjithçka për të dhënë maksimumin dhe do të përpqiemi ta bëjmë.”
Debutimi në Champions League i komplikuar
“Ne i japim meritë Real Sociedad që është shumë i fortë, sidomos në shtëpi ata janë shumë agresivë dhe kanë teknikë. Kundërshtari na vuri në vështirësi, Inzaghi bëri rotacion dhe hodhi në fushën e lojës lojtarë që nuk kishin luajtur ndonjëherë bashkë. Por ne bëmë një reagim pozitiv dhe nuk dëshironim të humbisnim.”
Dimarco ishte protagonist ndaj Empoli, në çfarë faze të rinovimit jemi?
“Jam shumë i lumtur për të sepse ai përfaqëson një ndjenjë të madhe përkatësie. Ne jemi krenarë për këtë. Nga pikëpamja e vlerave ai po rritet vazhdimisht dhe besoj se mund të përmirësohet akoma. Do të shihemi bashkë me Ausilion dhe do të flisnim për zgjatje kontrate dhe jo rinovim, pasi kjo do të thotë se një lojtarë i tillë vlerësohet shumë për atë çka ndjen për këtë fanellë. Respect maksimal për Federicon”, ka përfunduar Marotta.