Sindikata e Minatorëve të Trepçës ka bërë të ditur se minatorët ende nuk e kanë marrë pagën e muajit qershor. Kjo pavarësisht se muaji korrik po përfundon.
Ata kanë pasur kritika të ashpra për qeverinë dhe ministrinë e Ekonomisë.
Reagimi:
Të nderuar minatorë dhe qytetar të Kosovës,
Tani që ndodhemi në fundin e muajit Korrik, minatorët ende nuk i kanë marrë as pagen e muajit Qershor!
Interesimi për fatin e minierës dhe minatorëve nga qeveria, ministria dhe bordi i ndërmarrjes janë në nivelin zero. Vullneti i tyre për prosperitetin e kësaj ndërmarrje dhe premtimi për ditë të mira në ndërmarrjen Trepca SH.A., janë vetem fjalë boshe dhe asgje tjeter.
Një qasje e till refuzuese ndaj ndërmarrjes Trepca Sh.A dhe minatorëve, duke i lënë të njejtit buzë humneres dhe duke ia pamundësuar ekzekutimin e pagave gati për dy muaj nën këto kushte të rënda financiare të minatorëve përben shqetsim serioz dhe sfidë që kërkon zgjidhje të mënjehershme.
Ta dini se një qasje e till ndaj minierës Trepca Sh.A dhe minatorëve të saj nga qeveria dhe ministria e saj paraqet rrezik serioz që të gjithë minatorët të gjejn zgjidhje tjera apo edhe të migrojnë jasht vendit.
Fatkeqësisht ndoshta ky edhe është qëllimi dhe dëshira e disave!!
Jeni duke i përbuzur minieren dhe minatorët, një ditë do i kërkoni!
Reflektoni dhe ekzekutoni pagat.