Motra e shefit të kabinetit të kryetarit të Komunës së Mitrovicës së Veriut, Visar Syla, është rehatuar me vend pune në Zyrën e Pensioneve në Mitrovicë.
Visar Syla, i cili mban pozitën e shefit të kabinetit të kryetarit Erden Atiq, po perceptohet si një figurë me ndikim në Vetëvendosje dhe në qeverisjen lokale – ndonëse i është bashkuar këtij subjekti politik relativisht vonë.
Agnesa Syla, motra e tij, ka fituar pozitën e zyrtares për Skemat Pensionale në Mitrovicë. Ajo doli e para në një konkurs me 59 kandidatë të tjerë që kishin kaluar fazen fillestare, duke marrë gjithsej 96.8 pikë.
Mbetet e paqartë nëse ajo ka përvojë institucionale pasi duket e çuditshme që ajo të dale më e mira nga shumë kandidate tjera të përgatitura dhe me përvojë që ishin.
