Gjykata Themelore në Prishtinë ka lëshuar urdhër arrest ndaj Naser Hafizit, drejtorit të Autoritetit të Rajonit të Pellgjeve Lumore në Ministrinë e Mjedisit, Planifikimit Hapësinor dhe Infrastrukturës, shkruan Periskopi.
Siç mëson Periskopi, Hafizi do të mbërrijë në aeroportin e Prishtinës sot në orën 15:30.
Hafizi, i cili dyshohet për përfshirje në aferën e faljes së borxheve për kompanitë e ambalazhuesve të ujit, nuk u gjet të martën në vendin e tij të punës kur Policia e Kosovës zhvilloi një bastisje në Ministrinë e Mjedisit, e as në shtëpinë e tij.
