Komuna e Malishevës ka dhënë një tjetër tender për ndërtimin e sheshit sëbashku me nënkalimin dhe parkingu nëntoksor. Vlera e kontratës së re, e cila është dhënë për punë shtesë e me procedurë të negociuar pa publikim të njoftimit për kontratë, është 823,500 mijë euro, shkruan rajoni.org.
Me kontratë është shpërblyer konsorciumi “B famis SH.P.K; Best Company SH.P.K.;
Companya Eskavatori”.
Ndërtimi i sheshit sëbashku me nënkalimet dhe parkingun nëntoksor ka filluar në janar të vitit 2023.
Vlera e kontratës për ndërtimin e kësaj rruge – Pjesa e parë, është 8 milionë e 277 mijë e 887 euro, me të cilën është shpërblyer konsorciumi që do t’i kryejë edhe punët shtesë.
Përfundimi i punëve në këtë pjesë të rrugës është paraparë të bëhet me 16 janar 2026./Rajoni.org/
