Kategorizohet në listën e atyre lojtarëve “besnikë”, që nuk e tradhtojnë për asgjë klubin e tyre, mirëpo duket se jo çdokush i qëndron mendimit të parë. Pas plot 12 vitesh karrierë, në “Signal Iduna Park”, “fantazisti” gjerman, Marcos Reus është pranë largimit, nga “Verdhezinjtë” e Borussia Dortmund, gjë e cila pritet të ndodhë, në fundin e këtij sezoni.
Sipas raportimeve, më të fundit të prestigjiozes gjermane, “BILD”, “ylli” 34-vjeçar i mesfushës nuk pranon të rinovojë klubin, që për kaq shumë vite i qëndroi bensik, ku refuzoi oferta nga shumë klube të mëdha, si “Galaktikët” e Real Madrid apo “Bavarezët” e Bayern Munich, ku me këta të fundit, mund të kishte shkruar historinë në futbollin gjerman.
Deri më tani, Reus ka zhvilluar plot 410 sfida, me “Verdhezinjtë”, ku në to ka shënuar plot 167 gola, si dhe ka dhuruar 124 asistime e tashmë karriera e tij pritet të vazhdojë në Monchengladbach, nga ku u transferua te Dortmund, në verën e vitit 2012, për shifrën e 17.1 milionë eurove, mirëpo ende nuk ka asnjë konfirmim nga 34-vjeçari mbi këtë lajm