Kryeprokurori i Prokurorisë Themelore në Ferizaj, Burim Çerkini ka dhënë detaje sot në një konferencë për media në lidhje me vrasjen e mbrëmshme në Kaçanik.
Në lidhje me raportimet se kjo vrasje mund të kishte ndodhur si pasojë e një grabitjeje, Çerkini ka mohuar.
Ai ka thënë se qëllimi nuk ka qenë grabitja pasi aty afër ku ka ndodhur rasti nuk ka asnjë institucion mikrofinanciar që mund të ketë qenë cak i grabitjes, shkruan lajmi.
Më sigurinë më të madhe mund të themi se nuk ka të bëjë me pistën e grabitjes. I ndjeri pas kryerjes së punës ka qenë duke u kthyer në banesën e tij. Nuk ekziston ndonjë pistë që të dyshuarit kanë pas qëllim grabitjen. Ajo shihet apo vërehet qartë që qëllimi i tyre ka qenë ekzekutimi ” rëndë. Në vendin e ngjarjes nuk ka pas ndonjë institucion mikrofinanciar, është zonë vendbanim dhe nuk ka institucione që mund të kenë qenë cak i grabitjes”, ka thënë ai.
Çerkini ka thënë se viktima ka marrë vetëm një goditje e cila ka qenë tejshpuese dhe se i njëjti nuk ka pas veshur antiplumb.
Se a ka qenë e organizuar, ai ka thënë se nuk mund me saktësi ta themi por nga ajo që shihet që kanë qenë dy persona mund të themi që ka qenë e organizuar.
Rasti ka ndodhur në shkallët e ndërtesës dhe sipas Çerkinit, ajo që shihet deri më tani nuk ka njohuri apo nuk kemi të dhëna që është përcjell qoftë nga vendi I punës apo coftë e kanë pritur në hyrje të banesës.
Ai ka thënë se Likajt, në vitin 2021 i është djegur një lokal e të dyshuarit për këtë rast ende nuk janë identifikuar.
“Në vitin 2021 është djegur lokali i të ndjerit, por deri më tani nuk kemi mundur t’I ndërlidhim motivet apo arsyet apo ndonjë shkak që do të ishte djegia e lokalit me pjesën e vrasjes. Por në të dyja rastet kemi të njëjtin të dëmtuar por nuk kemi ndonjë lidhje mes tyre ende”, ka thënë Çerkini.
Prokurori kujdestar nga ky rast ka ftuar qytetarët e Kosovës, gjegjësisht ata të Kaçanikut që të jenë në të njëjtën vijë me Policinë dhe për çdo informacion ta njoftojnë Policinë e Kosovës dhe Prokurorinë Themelore në Ferizaj.
