Në Mitrovicë janë finalizuar punimet për përmirësimin e kushteve në objektet shumë-banesore sociale në lagjen te Desi dhe në Shipol, si rezultat i bashkëpunimit ndërmjet Komunës së Mitrovicës, Qeverisë së Kosovës, Bashkimit Evropian dhe Fondit të Kosovës për Efiçiencë të Energjisë.
Nënkryetari Mitrovicës, Arian Tahiri, tha se është i lumtur që banorët e këtyre dy objekteve tashmë do të kenë kushte më të mira dhe standarde më të larta jetese falë këtij investimi.
Postimi i plotë:
Edhe një projekt i përfunduar në dobi të qytetarëve në objektet shumë-banesore sociale te Desi dhe në Shipol, që vjen si rezultat i bashkëpunimit në mes të Komunës së Mitrovicës, Qeverisë, BE-së dhe Fondit të Kosovës për Efiçiencë të Energjisë.
Jam i lumtur që tashmë banorët e këtyre dy objekteve shumë-banesore do të kenë kushte më të mira!
