Nga sot, 20 dhjetor 2025, ka nisur zbatimi i vendimit të Kryetarit të Komunës së Mitrovicës, Faton Peci, për ofrimin e shërbimeve komunale edhe gjatë vikendit.
Vendimi është marrë për shkak të fluksit të shtuar të mërgimtarëve që po vizitojnë Kosovën gjatë periudhës festive, me ç’rast Sektori i Gjendjes Civile do të jetë në shërbim të qytetarëve edhe të shtunave dhe të dielave.
Sipas vendimit, shërbimet për qytetarë do të ofrohen nga ora 08:00 deri në 12:00 dhe ky orar do të vlejë deri më 04 janar 2026.
