Një ndër eproret më profesionistë të Policisë së Kosovës, Toger Ramiz Isufi, i cili për më shumë se tre dekada ka shërbyer në mbrojtjen e rendit dhe ligjit të Kosovës në detyra dhe funksione të ndryshme, është pensionuar sot, shkruan portali rajoni.org.
Ai së fundmi në cilësin e komandantit të stacionit policor ka menaxhuar me sukses situata të rrezikshme të trazirave në pjesën veriore të Mitrovicës.
Isufi ka dhënë një kontribut të madh edhe në mbrojtjen e institucioneve paralele të shtetit të Kosovës gjatë okupimit serb dhe vjen nga një familje e shquar kombëtare.
Sot, me rastin e pensionimit të tij, është organizuar një ceremoni, ku të pranishmit e kanë vlerësuar lartë kontributin dhe kolegialitetin e tij gjatë sfidave që ka përjetuar ky institucion i sigurisë së shtetit tonë.
