Presidentja e Kosovës, Vjosa Osmani nga kryeqyteti i Hungarisë ka njoftuar se do të takohet me liderë të vendeve të ndryshme, në kuadër të Komunitetit Politik Evropian. Por, tha se nuk do ta takojë presidentin e Serbisë, shkruan Insajderi.
Osmani para gazetarëve bëri me dije që s’do të takohet me Vuçiqin dhe se takimet për dialogun mes Kosovës dhe Serbisë mbahen në Bruksel.
“Jo, zakonisht nuk takohemi. Kosova dhe Serbia takohen në kuadër të Dialogut të udhëhequr nga BE-ja. Diskutimet po vazhdojnë në Bruksel në mes të kryenegociatorëve për atë se si mund të lëvizim përpara në implementimin e marrëveshjeve që janë arritur”, u shpreh ajo në konferencën për media.