Tre të dyshuarit që sulmuan fizikisht gazetarin Valon Syla të martën mbrëma janë shoqëruar para pak minutave të prangosur për në gjykatë.
Seanca ndaj tyre do të mbahet sot me fillim nga ora 10:00.
Të dyshuarit për sulmin ndaj tij Kenan Hasani, Okan Hasani, Lum Dervishi u arrestuan të mërkurën nga Policia e Kosovës.
Sylën e kishin përcjellur sulmuesit, derisa ka dalur nga ndërtesa e T7, ku ishte i ftuar në emisionin Pressing, pastaj e kishin ndjekur me veturë dhe para shkallëve të një lokali në Bregun e Diellit e kishin sulmuar.
Ai pësoi lëndime në kokë dhe pas trajtimit mjekësor, nga QKUK-ja tha se sulmuesit ishin “tre islamikë fanatikë”.