Rusia ka akuzuar Ukrainën për sulmin me dronë në Moskë që dëmtoi dy ndërtesa dhe mbylli për një kohë një nga aeroportet e qytetit.
Një dron u rrëzua mbi distriktin Odintsovo, në perëndim të qendrës së qytetit, dhe dy të tjerë u neutralizuan por u përplasën me zyra, thotë ministria ruse e mbrojtjes, transmeton Telegrafi.
Një person është lënduar, raporton agjencia shtetërore ruse e lajmeve Tass.
Zyrtarët ukrainas ende nuk kanë reaguar lidhur me akuzat për sulm.
Kryetari i bashkisë së qytetit Sergei Sobyanin tha se fasadat e dy ndërtesave të zyrave ishin dëmtuar pak.
