Partia Demokratike e Kosovës, sot do të dorëzojë një tjetër lëndë në Gjykatën Kushtetuese.
Dorëzimi do të bëhet në ora 11:00, ka njoftuar zyra për media e PDK-së.
Ky subjekt politik nuk ka dhënë detaje për përmbajtjen e lëndës që do të dorëzohet në Gjykatën Kushtetuese.
PDK në njoftim për media rreth takimit të strukturave të saj partiake ka bërë me dije se “në takim u diskutua edhe për mosdekretimin e Kryeprokurorit të shtetit nga ana e Presidentes Vjosa Osmani – Sadriu, vendim të cilin po e shqyrtojnë ekspertët ligjor të PDK-së, të cilët me kohë do të propozojnë veprimet për trajtimin e kësaj çështje”.
Ndërkohë, hiç më larg se një ditë më parë, Kryeministri i vendit, Albin Kurti, pati kritika për PDK-në, për dërgimin në Kushtetuese të Ligjit për Byronë Shtetërore.
Ndonëse tha se s’mund t’ua mohojë kurrkush të drejtën, Sipas Kurtit, PDK-ja “nuk arrijnë ta fshehin dot” motivin dhe qëllimin që kanë.