Pas 43 viteve shërbimi të palodhur në arsim, sot është pensionuar njëri nga profesorët më të respektuar të komunës së Drenasit. Bëhet fjalë për Agim Thaqi, i cili ka vendosur të tërhiqet nga karriera profesionale dhe të shkojë në pension, shkruan rajoni.org.
Gjatë këtyre viteve, ai ka qenë një shtyllë e rëndësishme e arsimit, duke udhëhequr me përkushtim e profesionalizëm dhe duke përcjellë me sukses disa gjenerata nxënësish.
Profesor Agimi ishte një figurë frymëzuese edhe gjatë kohërave më të vështira, përfshirë masat e dhunshme, duke qëndruar i palëkundur në përkushtimin e tij ndaj edukimit dhe të ardhmes së rinisë.
Në ditën e pensionimit kolektivi i shkollës kishte organizuar një ceremoni falënderuese dhe përcjellëse.
