Policia e Kosovës ka publikuar një kërkesë për bashkëpunim me qytetarët për identifikimin e një gruaje të dyshuar për vjedhje.
Policia ka publikuar fotografi nga kamerat e sigurisë së personit të dyshuar, ndërsa ka kërkuar për të gjithë ata që kanë informacione, të cilat do të ndihmonin në identifikimin dhe arrestimin e personit që shihet në fotografi, të kontaktojnë Policinë, transmeton Zeri.info.
Njoftimi i plotë:
Kërkesë për bashkëpunim – identifikim të personit të dyshuar
Njësiti i hetimeve të stacionit policor Qendra në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi.
E dyshuara kërkohet për veprën “Vjedhje”.
Të nderuar, për çdo informatë që mund të çojë në identifikimin e të dyshuarës ose vendndodhjes së saj, kontaktoni Policinë në numrin e telefonit: 192.