Raportohet se këtë të premte është shkarkuar nga pozita e Drejtorit të Termocentralit B, Ramadan Ahmeti.
Ky vendim është marrë nga u.d. drejtori ekzekutiv, Gramos Hashani.
Shkarkimin e tij e ka konfirmuar edhe Ahmeti për gazetaren e Klan Kosova, Altiana Zogaj, i cili nuk dha detaje të tjera rreth arsyes nën të cilën u mor ky veprim, raporton Klankosova.tv.
Ky shkarkim po ndodh në një periudhë kur, nën drejtimin e Gramos Hashanit, KEK-u po karakterizohet nga emërime të shpeshta të ushtruesve të detyrës, mungesës së stabiliteti dhe kaosit energjetik.
Gjatë këtij menaxhimi, prodhimi vendor ka rënë në nivele alarmante, duke bërë që vendi të detyrohet të mbulojë nevojat me import të shtrenjtë të energjisë, ndërsa KEK-u përballet me krizë të thellë operacionale.
Foto: Kryeministri në detyrë, Albin Kurti, ministrja në detyrë e Ekonomisë, Artane Rizvanolli dhe Ramadan Ahmeti
