Nenad Rashiq tha se ka zhvilluar bisedime me kryeministrin në detyrë para se të kandidonte për postin e nënkryetarit të Kuvendit.
Bisedimet sipas tij u zhvilluan në mars.
“Normalisht që kemi biseduar sa i përket kandidimit tim potencial, por kjo ka ndodhur diku, mos gabofsha, në mars pas zgjedhjeve. Kemi debatuar dhe unë, në një moment kur ka dalë kjo temë, kam thënë pse jo, sepse me të vërtetë dua ta prezantoj një fytyrë tjetër të përfaqësimit të serbëve në institucione, jo sikur kemi pasur rastin deri më tani“, tha ai në “Debat Plus”.
