Satelitë nga kompania e njohur amerikane “Space X” kanë mbuluar qiellin mbi Skenderaj e Drenas e shumë qytete tjera të Kosovës, sot në mbrëmje, shkruan portali rajoni.org.
Shumë qytetarë kanë dërguar në redaksi të rajoni duke thënë se në qiell po vërejnë objekte të paidentifikuara.
Mirëpo siç raportohet në media bëhet fjalë për satelitët Starlink të cilët kanë qenë të dukshëm në qiell sonte në Kosovë.
Çfarë janë satelitët Starlink?
Starlink është një rrjet satelitor i zhvilluar nga SpaceX, në pronësi të Elon Musk. Starlink përdor një rrjet prej më shumë se 2000 satelitësh që rrotullohen rreth Tokës më shumë se 340 milje lart.
Kompania po vazhdon të lëshojë satelitë në grupe si pjesë e qëllimit të saj për të ofruar internet me brez të gjerë me shpejtësi të lartë në mbarë botën, veçanërisht në vendet me lidhje të dobët.