Një incident i rrezikshëm është regjistruar në Skenderaj, ku një i mitur ka pësuar lëndime pas shpërthimit të një bombole gazi, mëson ekskluzivisht Gazeta Sinjali.
Ngjarja ka ndodhur më 05.04.2026, rreth orës 15:00, në fshatin Aqarevë, ku siç mëson Sinjali, një 13-vjeçar ka mbetur i lënduar derisa ishte duke ruajtur bagëtinë.
Sipas informacioneve, dyshohet se pronari i një dyqani në këtë fshat kishte ndezur mbeturina, dhe si pasojë e zjarrit ka shpërthyer një bombolë gazi e zbrazët, e cila ka shkaktuar djegie në fytyrën e të miturit.
Në vendin e ngjarjes kanë dalë njësitë hetimore, forenzika dhe njësitë reaguese, të cilat gjatë ekzaminimit kanë konstatuar se nga zjarri kanë shpërthyer edhe dy sprej (boca) që ishin hedhur në mbeturina.
I dyshuari, S. Veseli, është shoqëruar në stacion policor në Skenderaj për intervistim.
I mituri ka marrë trajtim mjekësor në QKUK në Prishtinë dhe më pas është liruar për në shtëpi.
Me urdhër të prokurores kujdestare, rasti është iniciuar si “Shkaktim i rrezikut të përgjithshëm” dhe është në procedurë të rregullt.
