Telashet në familjet kosovare nuk kanë të ndalur. Përditë në Polici raportohen numër i madh rastesh, ku konfliktet mes bashkëshortëve shpesh përfundojnë edhe me dhunë fizike e psikike, për çka nevojitet ndërhyrja e Policisë. Një rast i tillë ka ndodhur dje në një familje në qytetin e Skenderajt, shkruan rajoni.org
Këtë herë, një burrë e një grua përfunduan në Polici pasi u rrahën me njëri – tjetrin si pasojë e problemeve të vazhdueshme që kanë mes vete dhe nuk po arrinin t’i zgjidhin.
Rasti dyshohet të ketë ndodhur në mësnatë dhe nisi pas një zënke, e cila pasoi me sulm fizik.
Dy palët u shoqëruan në stacion policor, ku kanë dhënë deklaratat e tyre lidhur me incidentin që ndodhi në shtëpinë e tyre.
Pas përfundimit të procedurave policore, me urdhër të Prokurorit të Shtetit ndaj tyre është iniciuar rasti për veprën penale “Dhunë në familje”.
