Termokos ka nisur punimet për modernizimin e rrjetit të ngrohjes në lagjen Ulpianë, me fokus të veçantë tek çerdhja “Fatosat”. Ky intervenim është pjesë e planit aksional për përgatitjen e sezonit të ardhshëm të ngrohjes, dhe synon përmirësimin e cilësisë së shërbimeve për institucionet arsimore në kryeqytet.
Kryeshefi ekzekutiv i Termokosit, Fisnik Osmani, ka falënderuar ekipet teknike për përkushtimin dhe profesionalizmin në realizimin e punimeve. “Si çdo herë, falënderim i thellë për kolegët tanë në ngrohtore, të cilët po zbatojnë me përkushtim planin aksional të intervenimeve në rrjet,” u shpreh Osmani.
