Një therje me thikë dyshohet se ka ndodhur mbrëmjen e sotmë në lagjen “Evlia Qelebia”, pranë shkollës fillore “Eqrem Qabej”, shkruan rajoni.org.
Lajmin e ka konfirmuar edhe zëdhënësi i Policisë për rajonin e Mitrovicës, Avni Zahiti.
“Rreth orës 20:20, policia ka pranuar informatën për një person të lënduar në rrugën ‘Evlia Qelebia’ në Mitrovicë. Bazuar në të dhënat fillestare, bëhet e ditur se pas një përleshjeje, lëndime nga një mjet i mprehtë ka pësuar viktima, mashkull kosovar rreth 66-vjeçar,” ka thënë Zahiti.
