Shkruan: Izet Abdyli
Në.organizim të Asociacionit të letrarëve dhe artistëve Art Club ,, Rifat Kukaj” në Drenas, sot në ambientet e Restoran ,,Guri Plakës”, u mbajt Festivali i poezisë ,,Guri i Plakës” edicioni i VIII me krijues mergimtarë. Manifestimin e shpalli të hapur kryetari i Art Club , Rifat Kukaj” poeti Izet Abdyli i cili theksoi se qëllimi i këtij manifestimi është prezantimi i vlerave të krijuesve mërgimtarë. Ky manifestim po mbahet nënjë ambient pitoresk ku ndërthurën legjendat për gurin e vashave dhe gurin e plakës, mençurinë e urtakut Xhemail Abria dhe bëmat e heronjëve si: Azem Galica dhe Shaban Polluzha. Pastaj manifestimi filloi me orën letrare ku lexuan poezitë e tyre krijuesit mërgimtarë nga Gjermania, Suedia, Zvicra, Austria, Suedia, Sllovenia, Norvegjia, Amerika dhe krijuesit nga Kosova. Punimet e tyre i lexuan: Nexhat Rexha, Mexhid Havolli, Imer Gllareva, Selman Dervishi, Nebih Bunjaku, Mustafë Krasniqi, Zeqir Bekolli, Syhejl Havolli, Rrahim M. Sadiku, Avdyl Berisha, Ali Berisha, Selvete Abdullahu, Mehdi Hyseni, Vlora Hajdari, Baki Krasniqi, Sanije Dubova, Agim Gashi, Hasan Elshani, Xheladin Mjeku, Naser Xani, etj. Ishte mjaftë impresionuese edhe ekspozita e piktorit Bislim Elshani me piktura ku pasqyrohet tema e luftës dhe tema sociale me kurator Fatmir Carakin kryetar i Shoqatës së artistëve figurativ në Drenas. Njē sharm të veçantë manifestimi i dhanë vëlla e motër Diar dhe Melisa Maloku të cilët interpretuan pikat muzikore si: Tumankuqe, Në bankat shkollore dhe Vijnë vaporat bregut detit si dhe interpretimi me fyell nga Halil Xani. Në fund të manifestimit u nda çmimi për vepër jetësore ,,Krijuesi Diasporës” të cilin e fitoi Selman Dervishit mergimtar në Amerikë. Poashtu për kontribut këtij manifestimi iu ndanë: Diar dhe Melisa Malokut, Bislim Elshanit, Ordinancës Stomatologjike ,,Feha Dent” Drenas ,,Nana’ s food” Drenas, Mendim Ismailit, Ramadan Nikës dhe SHFMU ,,Rilindja” Dritan. Një falënderim të veçantë organizatori i manifestimit kishte për xhiruesin e përhershëm.të këtij manifestimi Profesor Gani Kryeziun. Në fund për të pranishmit u shtrua një drekë me gatime tradicionale nga ,,Nana’ s food” Drenas.
